Викендов на сила треба да стапи Законот за нефер трговски практики, а со него се  опфатени околу 2.500 производи на кои профитната маржа не смее да им биде поголема од 10 отсто. Со негова примена, според очекувањата, трајно треба да се стави ред во хаосот со цените. Шо за ова мислат граганите?

Со законот, покрај ограничен рабат, трговците нема да смеат да наплаќаат дополнителни трошоци за маркетинг, репрезентација, како и за истакување одреден производ на полица.Во пракса, тоа ќе значи дека маркетите ќе треба да стават нови цени на сите продукти од листата. Во спротивно, казните се следните.

Во зависност од тежината и значењето на прекршувањето, Законот предвидува казни за најтежок прекршок и полесни прекршоци.Највисокиот износ на казна за најтежок прекршок може да изнесува до 20.000 евра за голем трговец и од 350 до 500 евра за одговорното лице во правното лице кој е голем трговец.Казните за полесни прекршоци зависат од тоа дали прекршокот го сторил правно или физичко лице. Највисокиот износ на казната за полесен прекршок што може да се изрече во постапка е 5.000 до 6.000 евра за голем трговец и 350 до 500 евра за одговорното лице во правното лице кој е голем трговец.

Паралелно,од вторникот пак на сила е одлуката на Владата за ограничувања на маржата за околу 70тина производи кои се најдоа на листата на есенската кошница. Нејзиното спроведување го контролира Државниот пазарен инспекторат.