Министерството за внатрешни работи (МВР) денеска преку писмено соопштение апелира граѓаните кои сè уште имаат возачки дозволи со старото уставно име на државата, да ги заменат со нови навреме. Старите возачки се со важност до 31 декември годинава, кога истекува и рокот за нивна замена.

Министерството за внатрешни работи ги потсетува граѓаните дека важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година.

Министерството ги повикува сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни гужви.

Сите капацитети на министерството и шалтерите на управните служби функционираат , стои во Соопштението.