Од утре општините на маса на располагање ќе имаат 100, од вкупно 250 милиони евра, предвидени за важни локални проекти.Средставата кои неколку месеци се најавувани за изградба на локално ниво со пари од централниот буџет ќе бидат официјално обезбедени на утрешната владина седница.

Сите локални самоуправи кои ќе аплицираат со проект кој е во насока подобрување на квалитетот на живот на граѓаните ќе добијат пари од државната каса, без разлика дали општината ја води кадар од нивната партија или не.

Министерството за локална самоуправа час поскоро да ќе објави јавен повик и на тој начин општините ќе може да аплицираат со проекти и тие проекти потоа да бидат финансирани преку најпрвин овие 6 милијарди денари што се дел од ребалансот, а потоа и со нови 15 милијарди денари што ќе бидат предвидени во новиот буџет. велат од владата

Според информациите владата веќе ја има  дефининирано методологијата како ќе се распределуваат средствата.

Оваа финансиска инјекција општините ќе ја добијат и следната година со новиот буџет на државата. Интересно е тоа што владеачката партија уверува дека немало таен внатрепартиски договор со нивните градоначалници за подготовна на проекти уште во време кога ВМРО -ДПМНЕ беше во опозиција.