Премиерот Христијан Мицкоски, на социјалните мрежи истакна дека годинава од промет од патарините низ земјава се остварени 16 милиони денари, или 250 000  повеќе од истиот период лани. Тој вели дека минатата година постоеле и овие пари, само не завршувале во државната каса.

„Нормализирањето на состојбите во државата значи домаќинско работење, базирано на чесност и принципи. Затекнавме држава во хаос, се бориме да направиме ред и доследност.

Директорот на Јавното претпријатие за државни патишта, Коце Трајановски ме извести дека на наплатните рампи во Јули 2024 година има промет од 470.194.563 денари што е повеќе за цели 16.071.251денари, споредено со истиот период лани, напиша Мицкоски.

Според Мицкоски, овие пари постоеле и минатата година, само разликата е што не завршувале во касата на државата, каде сега од тие пари градиме градинки, училишта, патишта.

Разликата е во тоа што се работи домаќински и одговорно. Опозицијата води политика на ситни страсти и со целосна безидејност критикува колку да критикува, но тоа нема да не поколеба да го поправиме тоа што тие го расипаа.. Исполнуваме за секој еден човек. Државата на народот“, стои во објавата на Мицкоски.