Половина Штип денес од пладне е без вода, а причина е промена на главната водоводна цевка која се поставува на булеварот Партизанска.

Промената на оваа водоводна цевка е согласно градежните активности на булеварот Партизанска, но и трајно подобрување со водоснабдување на жителите од неколку штипски населби кои досега порадуи дотраеност на системот имаа чести прекини во водоснабдувањето. Нормализирање на состојбата ќе има во текот на утрешниот ден, објаснија од ЈП Исар.

Во меѓувреме, соопштение за исклучување оед системот вчера добија и жителите од 11 други штипски улици поради исто така менување на водоводни и канализациони цевки, но и изградба на кружниот тек Бриони.