Венко Филипче донесе одлука која беше очекувана, а ја соопшти во фејсбук статус во кој потврди дека ќе се кандидира за претседател на СДСМ

Нашата партија е соочена со голем предизвик и ги поминува веројатно најтешките моменти од нејзиното основање. Ова е време кога многумина се прашуваат дали СДСМ ќе опстане и каква е иднината на партијата. Но, јас силно верувам дека поразот треба да ни послужи како моќен катализатор за промени и обнова, напиша Филипче

Мојата кандидатурата  е сеопфатен концепт која прецизно ќе ја најавам наскоро, извести Филипче

Во следниот период ќе се посветам на дискусии и средби со членови и поддржувачи на СДСМ, но и низа поединци, групи и организации кои може да придонесат заеднички да ги поставиме темелите на обновата. Сакам да ги слушнам сите размислувања и идеи кои ќе помогнат да го вратиме СДСМ на победничките патеки и гордоста на нашите членови.

На крајот Филипче ги повикува сите да му се придрижат на како што напиша ова патување за рефомирање и зајакнување на СДСМ