Злетовица исчезна кај селото Жиганци. Алармот први го вклучија риболовците кои посочуваат на голем проблем, за флората и фауната.

Со години на ред, во овој период од АД Водостопанство Кочани, водата во Злетовица ја соприраат,а со тоа во прашање го доведуваат биолошкиот минимум за животна егзистенција на рибниот фонд, кој токму во овој период му е време за мрестење и истиот се прекинува, информираат од Спортско риболовното друштво Злетовица од Пробиштип

Од АД Водостопанство за овој проблем објаснуваат.

Потребните 30% биолошки минимум на Злетовица се обезбедени и со тоа во прашање не е доведена егзистенцијата на рибниот фонд во овој дел од водотекот на Злетовица, објасни директорот на АД Водостопанство Кочани Благој Богатинов за ТВ Стар.

Пробиштипските риболовци, кои од лани се и концесионери за стопанисување со  рибниот фонд не попуштаат. Тврдат, на институционален начин ќе бараат Водостопанство да не ја секнува водата во Злетовица во овој период.