За 10 години, двојно е намален бројoт матуранти во Берово и Кратово, но црната тенденција продолжува и понатаму, вели последната статистика.

Бројот на матуранти во нашето училиште годинава е 71, а пред десет години, односно 2013/14 имавме повеќе од двојно, или 149. Во нашето училиште покрај гимназиско имаме и стручно образование: текстилно-кожарска струка, угостителско-туристичка и шумарско-дрвопреработувачка струка, потврдуваат од  гимназијата Ацо Русковски.

Поради ова, општината  креира стимулативни мерки  за средношколците, вели градоначалникот Звонко Пекевески .

Покрај овие мерки на крајот на учебната година се доделуваат награди на најуспешните ученици, и субвенција од 15.000 денари за нјадобриот ученик од средното училиште.

Но, има и  уште полошо  бидејќи намалувањето  бројот на ученици во некои помали општини е со пад и до 300%. Освен  Берово,  Белата чума има влезено и во Кратово, Македонски Брод , Крушево , Пехчево и други . Во Крушево годинава има 36 матуранти, бројката на средношколци според  е 108, што како и во другите помали општини, значи намалување за три пати. Во 2001/2002 имало 368 средношколци.

Освен во помалите, се празнат училиштата иво поголемите  градови како последица на намалениот наталитет и иселувањето од Македонија. Дел од училиштата во големите општини како Битола, Куманово, Прилеп, Велес даваат податоци дека се случува ученици да им заминат и сред учебна година, иселувајќи се заедно со семејствата. Сѐ почести се примерите на семејства кои преку лето заминале да работат во Хрватска, а потоа го продолжиле престојот и ги повлекле и децата со себе, па сега се запишани во тамошни училишта.