Издавањето на финансиско смртоносните   брзи кредити   државата го става под засилен  надзор и    финансиските друштва  ке   мораат да ги променат критериумите за нивно издавање.  Отсега, тие имаат обврска да воспостават систем за управување со кредитен ризик за идентификување, мерење, контрола и следење на кредитниот ризик.

Ова  меѓу другото значи спроведување  процедура за процена на кредитната способност на барателот, , како и процедура за идентификација и ажурирање на податоците на клиентите, нешто , што сега е пропишано со Правилник,  велат од Министерството за финансии .

Со примена на Правилникот се оневозможува финансиското друштво да одобри кредит на барател кој не е кредитоспособен, односно финансиското друштво пред склчување на договорот за кредит треба да ја процени кредитната способност на барателот на кредит врз основа на информации од страна на барателот и релевантна надворешна база на податоци.

Со други зборови,   доколку финансиското друштво утврди дека вкупните месечни обврски на барателот на кредит надминуваат 70% од неговите вкупни месечни приходи, тоа не смее  да одобри нов кредит. На овој начин ќе се спречи презадолженоста на граѓаните, сметаат од Финансии.

Ново е и тоа што  финансиските друштва нема да можат да одобрат потрошувачки кредит со туга лична карта, што е еден  од клучните проблеми во кој се најдоа стотици  грагани откако нивните  лични документи беа злоупотребени.