Македонија ја губи битката со корупцијата и владеењто на правото, стои во Извештајот на Фридом хаус насловен како Државите во транзиција во кој Македонија е сместена во групата Циклични хибриди.

Извештајот предупредува на долготрајната корупција на високо ниво во Северна Македонија, а го забележува и судирот на партиите околу уставните амандмани потребни поради бугарското вето за пристапување на земјата во Европската Унија.

Ситуацијата е уште посложена со контроверзните измени во Кривичниот законик од 2023 година кои ги намалија казните и предизвикаа отфрлање на значајни случаи, додека јавноста беше вознемирена со огромни корупциски скандали во здравството“, се вели во документот.

Назадувањето е видливо и во регионот, каде пад на оценката бележат Црна Гора и Босна и Херцеговина, а најголем пад бележи Србија. Од земјите во регионот непроменета е оценката во однос на претходната година за Хрватска, Косово и Албанија.