СДСМ вечерва на Конгрес на партијата треба да донесе одлука за носителите на кандидатските листи за парламентарните избори. Досега е потврдено дека носител на листа во Првата изборна единица ќе биде Ковачевски, а ко-носител Моника Зајкова од ЛДП, а се очекува да биде потврдено дека во Третата изборна единица  носителка ќе биде потпретседателката на партијата Сања Лукаревска. Во Четвртата се најавува носител да биде Венко Филипче.

Поранешниот министер Оливер Спасовски ќе биде носител на изборната листа на СДСМ во Втората изборна единица, претседателот на Собранието Јован Митрески ќе ја предводи „петката“, додека министерката за одбрана Славјанка Петровска ќе ги брани боите на СДСМ во Шестата изборна единица.

ВМРО-ДПМНЕ исто така ги комплетираше имињата на носителите на листите а тое се.Во Првата изборна единица носител ќе биде лидерот Христијан Мицкоски, во Втората потпретседателот на партијата Владо Мисајловски, во Третата Драган Ковачки, во Четвртата потпретседателот Александар Николоски, во петтата генералниот секретар Горги Сајковски а во Шестата изборна единица Дафина Стојановска.

Одлуката на ЗНАМ-За наша Македонија во однос на носителите на листи е следната. Во Изборна единица 1 е Бобан Карапејовски, ИЕ2 Даниел Стојчевски ИЕ 3 Павле Арсовски, ИЕ4 Миле Цеков, Петтата изборна единица ќе ја предводи Весна Бендевска и во шестата Небојша Захариевски.