Домот за стари лица, др Иван Влашки, во Берово, е новото сигурно работно место, финансирано од буџетски пари на Јаворка Рунтевска,сестра на беровскиот градоначалник Звонко Пекевски.

Рунтевска во оваа институциуја доаѓа од конфекцијата Бетекс, што значи дека напорното работно место го заменила со полесно. Дали во случајот има судир на интереси, бидејки, Домот е под ингеренции на општината.

Се воздржувам од секаков коментар, децидна беше директорката  Живка Бојчовска – Каламадевска, очигледно не расположена за разговор на оваа тема.   

За вработувањето на неговата сестра и споменатиот судир на интереси, градоначалникот Пекевски изјави

Конкурсот и постапката се спроведени согласно Законот,а известена е и Антикорупциската Комисија од која е и побарано мислење.Освен Антикорупциска сите останати надлежни институции ќе се произнесат за тоа дали со вработувањето на мојата сестра има судир на интереси,објасни Пекевски.

Ова вработување на работно место каде платите доаѓаат од Буџет за семејствата  Рунтевски и Пекевски не е прво,бидејки пред неколку години во ЈПК Услуги Берово е вработен и зетот на Пекевски ,односно, сопругот на Јаворка,Горан Рунтевски.

Уште пред тоа на почетокот од првиот градоначалнички мандат Пекевски во крајно проблематична ситуација од Струмица во Берово на работа, ја повлече неговата сопруга.