Во последното деноноќие регистрирани се девет пожари на отворено во државава. Пожарникарите сите ги изгаснале, истовремено гаснејќи и други пожари во населените места, информираат утрово од Центарот за управување со кризи.

Во последното деноноќие имало вкупно 1 924 повици на бројот за итни случаи 112 во ЦУК, од коишто „реални“ повици биле 44,75  отсто, а 55,25 проценти биле за други потреби на граѓаните што не биле итни. Кон полиција биле упатени 48,83 отсто, кон итната медицинска помош 46,09 отсто, а кон пожарникарите 2,73 проценти од реалните повици кон 112 во ЦУК, велат од ЦУК.