Врховниот суд попладнево издаде соопштение и ја објави одлуката по тужбеното барање од државата за враќање на Работничкиот дом на државата, што од Сојузот на синдикатите како шестдецениски корисници беше оценето како пресуда против работниците во корист на олигарсите. Во соопштението мегудругото стои.

Врховниот суд на Република Северна Македонија, одлуката ја донесе врз основа на член 82 од Законот за здруженија на граѓани и фондации, според која имотот и средствата доделени на општествените организации и здруженија на граѓани, добиени на користење од страна на поранешните општествено-политички заедници и самоуправни интересни заедници, се државна сопственост.Пресудата е донесена на 9 ноември 2023 година по предметот РЕВ 1-77/22, во кој државата е тужител против Сојузот на синдикатите на Македонија за утврдување право на сопственост на недвижен имот кој претставува „административна зграда како објект од општ интерес за државата“.