Македонска Каменица ќе добие нов дигитален Рентген апарат, донација од рудникот Саса, вреден 80 илјади евра, која ќе придонесе за подобри здравствени услуги за жителите од општината. Договорот за донацијата го потпишаа директорот на Фондација Саса, Ивица Талевски и в.д. директорот на ЈЗО Здравствен дом Гоце Делчев од Делчево Гоце Ѓоргевски.

„Здравјето е исклучително важен дел од животот на нашите вработени и локалната заедница и затоа нашата цел како компанија е да водиме грижиме за него. Покрај вложувањата и мерките што ги спроведуваме во рамки на САСА, наменети за нашите вработени, со задоволство донираме и во системот на јавното здравство со цел да помогнеме да се одржи неопходно ниво на здравствена заштита за луѓето од целата наша заедница“, изјави директорот на Фондација САСА, Ивица Талевски. 

„Оваа најсовремена опрема за дигитална радиографија ќе овозможи значително зголемување на квалитетот на сите рендген снимања и ќе овозможи прецизно поставување на дијагноза и соодветен третман на пациентите. Тоа е од особено значење за локално население на општина Македонска Каменица, изјави директорот на Здравствениот дом „Гоце Делчев“,Гоце Ѓоргевски.

Донираната опрема претставува најнов модел на современ медицински апарат, произведен во 2023 година, што користи најнапредна дигитална технологија која овозможува извршување на прецизни рендген снимања и дијагноза.